Ynskriuwing foar Fryske Kultuerpriis De Fryske Marren 2020 iepen
DFM - Elts jier set de gemeente wer in Frysktalich kulturiel inisjatyf yn ús gemeente yn it sintsje, mei de Fryske Kultuerpriis. De priis bestiet út in bedrach fan €750,-. Ferline jier wûn de Nijjiersrevu fan De Jouwer.
Ek foar 2020 wol de organisaasje de priis útrikke, ek al is der dit jier in protte net trochgien troch de korona. De sjuery ropt derom ynwenners en pleatslike belangen op om foardrachten foar de priis te dwaan. Dat kin fansels ek in online ynisjatyf wêze, muzyk of in moai boek.
Oanmelde foar 18 desimber
Inisjativen foar de priis kinne oanmelden wurde troch foar 18 desimber in mail te stjoeren nei: info@defryskemarren.nl mei de namme fan de kandidaat en telefoannûmer en emailadres fan de kontaktpersoan. Maile t.a.f. Yde Wierda. Yn de foardracht moat yn it koart oanjûn wurde werom dit inisjatyf yn oanmerking komt foar de priis. Graach as foardrager ek de eigen namme, emailadres en telefoannûmer yn de mail sette.
Lees ook
